وروستی
د ملګرو ملتونو د اقلیمي بدلون ٣٠م نړۍوال کنفرانس(COP-30) په تړاو د رسنیو له مسوولینو سره مشورتي غونډه وشوه
۱۴۴۶ کال د صفر ٣مه/ کابل
د چاپېریال ساتنې ملي ادارې له خوا د
ORD مؤسسې په همکارۍ د روان ١٤٠٤کال د اسد په ٦مه نېټه
د حکومت د اطلاعاتو او رسنیو مرکز کې د ملګرو ملتونو د اقلیمي بدلون غړو هېوادونو
٣٠م نړۍوال کنفرانس(COP-30) په تړاو
د رسنیو له مسوولینو سره یو ورځنۍ مشورتي غونډه وشوه.
په دې مشورتي غونډه کې د ملي او نړیوالو رسنیو استازو ګډون
کړی وو چې موخه یې د افغانستان د ناسم چاپېریالي وضعیت او اقلیمي بدلون ستونزې او
ناخوالې د رسنیو له لارې تر نړۍوالو رسول دي.
غونډه د قرآن کريم مبارکو آیتونو په تلاوت پیل شوه ورپسې د
حکومت د اطلاعاتو او رسنیو مرکز رئیس په ملي او نړۍواله د رسنیو پر اهمیت خبرې وکړې
او د رسنیو له مسوولینو يې وغوښتل چې د څو لسیزو جګړو زیان چې د افغانستان چاپېریالي
وضعیت یې زیانمن کړی، رسنيز کړي او تر نړیوالو ورسوي.
نوموړي د رسنیو همکاري وستایله او ټينګار يې وکړ چې چاپېریالي
موضوعات باید سیاسي نه شي.
د چاپېریال ساتنې ملي ادارې عمومي رئیس مولوي مطیعالحق
خالص د افغانستان د چاپېریالي وضعیت په تړاو هر اړخیزه وینا وکړه او په خپلو خبرو
کې یې وویل: چاپېریالي موضوع د دیني اړخه خورا د اهمیت وړ ده او په شريعت کې د ایمان
جز ګڼل شوی.
ده زياته کړه چې په تیرو ٤٥کلنو جګړو کې د افغانستان چاپېریالي
وضعیت ډیر زیات زیانمن شوی، ځنګلونه چې په چاپېریال کې اساسي رول لري، ډیر له منځه
تللي دي، د اشغال په دور کې ډول ډول وسلې وکارول شوې حتی د بمونو مور هم وکارول
شوه چې له امله يې چاپېریالي وضعیت خراب شوی.
په نړۍواله کچه هم د صنعتي انقلاب څخه وروسته د پرمختللو هیوادونو
د بې رويې فعالیتونو له امله چاپېریال ډیر سخت زیانمن شوی.
ښاغلي خالص وویل: د اسلامي امارت په راتګ سره د افغانستان
چاپېریالي پروژې ځنډول شوې چې ډير زيان يې ملت ته رسیږي.
نوموړي ټينګار وکړ چې چاپېریال رغونه او ساتنه د ټولو مسوولیت
دی.
د چاپېریال ساتنې ملي ادارې عمومي رئیس د رسنیو له مسوولینو
وغوښتل چې په رضاکاره توګه باید د چاپېریال ساتنې لپاره کار وکړي، د ملت د ستونزو
غږ تر نړۍوالو ورسوي، چاپېریالي پيغامونه نشر کړي او رسنۍ باید چاپېریالي مسایل د
خپل کار برخه وګرځوي.
ښاغلي خالص ټینګار وکړ چې چاپیریالي مسایل باید سیاسي نه شي.
د غونډې په لړ کې د دې ادارې د اقلیمي بدلون رئیس او ORD مؤسسې استازي له لوري د اقلیمي بدلون غړو
هېوادونو نړۍوالو کنفرانسونو (COP) په تړاو
او (COP-30) کنفرانس
لپاره د چمتووالي په هکله معلوماتي پرزنټېشنونه وړاندې شول.
ګډونوالو هم خپل نظرونه، وړانديزونه او مشورې وړاندې کړې.
د غوندې وروستۍ ارزونه د چاپېریال ساتنې ملي ادارې عمومي رئیس
وکړه او یوځل بیایې هم له رسنیو غوښتنه وکړه چې د اقلیمي بدلون په برخه کې رامنځته
شوي ستونزي منعکس او ورته بشپړه پاملرنه وکړي.