وروستی
نورستان ته د نړيوالو او داخلي مرستو د راجلبولو په تړاو بحث ترسره شو
د وږي ۱۰مه/ کابل
د چاپېریال ساتنې ملي ادارې عمومي رئيس شاه زمان ميوندي نن د دوشنبې په ماسپښین د نورستان له والي عبدالغفور ملکزي سره وليدل.
په دې ناسته کې د ملي_پارک په توګه نورستان ولایت لپاره د بهرنيو او کورنيو مرستو د راجلبولو او په سمه توګه د نوموړي ولايت د مدیریت په هکله دواړو خواوو بحث او خبرې اترې وکړې.
ښاغلي ميوندي وويل: نورستان ولایت د طبیعي ښکلا په درلودلو سره د دې ادارې د کاري لومړیتوبونو په سر کې ده او موږ په دې هڅه کې يو چې نورستان ته ملي او نړۍوالې مرستې را جلب کړو.
همداراز په دې کتنه کې ټینګار وشو چې د ملي پارک په توګه د نورستان ولایت په ساتنه کې د بومي خلکو همکارۍ ته باید جدي پاملرنه وشي.