وروستی
د کندهار له والي سره د چاپېريال ساتنې ملي ادارې د عمومي رییس ليدنه
کندهار- د سنبلې 22مه
د چاپېريال ساتنې ملي ادارې عمومي رئیس؛ شاه زمان ميوندي کندهار ته د سفر په ترڅ کې، نن تر غرمې مخکې د کندهار له والي حيات الله حيات سره وکتل.
د يادې ادارې د پلاوي د دې سفر موخه؛ د کندهار ولايت د چاپېرياليز وضعيت ارزونه او په دې برخه کې د ننګونو د حل لپاره بحث دى.
ښاغلي ميوندي په خپلو خبرو کې وویل؛ چې په دې ولايت کې پراختيايي فعالیتونو مخ پر ډېرېدو دي او دا موضوع پر چاپېريال هم اغېز لري.
ميوندي صاحب د چاپېریاليزو ننګونو ته په اشاره وويل؛ چې له کابل څخه راغلى تخنيکي ټيم به د چاپېرياليزو ننګونو د حل په موخه د دې ولايت د ولس له استازو، مدني بنسټونو او سوداګرو سره خبرې اترې وکړي.
وروسته د کندهار والي؛ حيات الله حيات خبرې وکړې او د چاپېريال ساتنې ملي ادارې د پلاوي د راتګ او د دې ولايت د چاپېرياليزې ارزونې هرکلى او ستاينه يې وکړه.
د کندهار والي د همکارۍ تر ژمنې وروسته، يادونه وکړه؛ چې د کاناليزاسيون نشتون د دې ولايت له سترو ننګونو څخه دى.
هغه زياته کړه؛ چې د خښتو د بټيو د لېږد پلان جوړ سوى دى او په راتلونکي کې به اجرا سي.
د يادونې وړ ده چې ياد پلاوي د دې غونډې په څنډه کې د کندهار له والي سره يوځاى د خرقې مبارکې، احمدشاه بابا او شهيد جنرال رازق د زيارتونو ليدنه او دعا وکړه.