وروستی
د کندهار شاه ولي کوټ ولسوالۍ د دهلې بند او شاوخوا سيمه یې د پيشنهادي ساتل شوې ساحې په توګه اعلان شوه.
د وږي ۲۴مه/ کندهار
د چاپېریال ساتنې ملي ادارې له خوا د وږي په ۲۴مه نېټه د کندهار ولايت مقام غازي امان الله خان د غونډو په تالار کې شانداره غونډه جوړه شوې وه چې د چاپېريال ساتنې ملي ادارې عمومي رئيس شاه زمان ميوندي، کندهار والي حيات الله حيات، مرستيال والي فيصل شيرزي، ولايتي شورا غړي نعمت الله وفا، د مرکز کابل څخه د چاپېريال ساتنې ملي ادارې مرکزي رئيسانو، د کندهار ولايتي ادارو رئيسانو، ديني علماوو، قومي مشرانو، مدني فعالانو او عامو خلکو ګډون کړى وو.
د غونډي په پيل کندهار والي حيات الله حيات د چاپېريال ساتنې ارزښت، د ساتل سوي سيمو پر اهميت مفصلي خبري وکړې او د ولسي خلکو څخه ئې غوښتنه وکړه چي طبي بوټو, ځنګلونو, وحشي ژوو په ساتنه کي مرسته وکړي.
د چاپيريال ساتني ملي ادارې عمومي رئيس شاه زمان ميوندي د دهلې بند پر چاپيريالي, ټولنيزي, ايکولوژيکي او بيولوژيکي اهميت په اړه هر اړخيزه وينا وکړه. ښاغلي ميوندي کندهار د طبيعي شتمني له اړخه يو غني سيمه ده چي د دهلې بند, ريګستان او د حوت غر هغه سيمي چي د چاپيريالي او ايکولوژيکي ځانګړنو له مخي نړيوال شهرت لري, پر همدې اساس يې د دهلې بند د افغانستان لسمي ساتل سوي ساحې په توګه پيشنهاد کړې تر څو نورو ملي او نړيوالو ايکولوژيکي څيړني تر سره سي.
همدارنګه د شاه ولي کوټ ولسوالۍ قومي مشر ډاکتر حيات الله شاه ولي هم غونډي ته وينا وکړه او د هلې بند په ساتلو کي ولس ونډه اړينه وبلل او په دې برخه کې د ولسي همکارۍ ډاډ ورکړ ښاغلي شاه ولي د چاپيريال ساتني ملي ادارې او کندهار چاپيريال ساتني رياست د هڅو څخه مننه وکړ چي د کندهار ياده تاريخي سيمه ئې د ساتل سوي ساحي په توګه اعلان کړه.
د غونډي په دوهمه برخه کي د هوا , اوبو او ږغيزي ککړتيا د معلومولو شپږ تخنيکي او ټکنالوژيکي دستګاوي کندهار ولايت مقام ته د رسمي مراسمو په ترڅ کي وسپارل سوې، د نظارت او تفتيش رئيس ډيپلوم انجينر نيک محمد د دغو دستګاوو په اړه د غونډي ګډونوالو ته معلومات وکړل.