وروستی
د علمای کرامو لخوا په ۲۳۰۰ خطبو کې چاپېریالي موضوعات خلکو ته تبلیغ شوي دي
د حج او اوقافو وزارت د تېرو همکاریو په دوام د وروستیو دوو جمعو په لړ کې د کابل ښار په ۲۳۰۰ جوماتونو کې د هوا ککړتیا راکمولو او مخنیوي په تړاو هېوادوالو ته عامه پوهاوی ورکړی.
د حج او اوقافو وزارت د مساجدو رئیس فضل کریم سراجي وایي: دغه وزارت د هوا ککړتیا د راکمولو او مخنیوي په تړاو کابل ښار کې ټولو رسمي او غیر رسمي جوماتونو ته سپارښتنه کړې چې چاپېریالي موضوعات خلکو ته تبلیغ کړي. ده زیاته کړه: علمای کرام او د جوماتونو ملاامان د هوا ککړتیا په راکمولو او مخنیوي کې کابل ښاریان له اړوندو ادارو سره همکارۍ ته هڅوي او په دې برخه کې همکار دي.
د چاپېریال ساتنې ملي اداره د حج او اوقافو وزارت او علمای کرامو دغه اقدام ستایي او چاپېریال ساتنه چې د ټولو هېوادوالو اخلاقي او دیني مسوولیت دی؛ په دې برخه کې باید ټول همکاري وکړي.