وروستی
ښاغلي پایاب د ماليې وزارت د پالیسۍ له معین سره وکتل
د غویي ۵مه کابل
د چاپېریال ساتنې ملي ادارې د پالیسۍ، پلان او نظارت معین ډاکټر احمدحسیب پایاب د مالیې وزارت د پالیسۍ له معین نذیر کبیري سره وکتل، په دې لیدنه کې دواړو خواوو د جمهور رئیس د حکم، د چاپېریال ساتنې په برخه کې د همغږۍ او همکارۍ پر پیاوړتیا، د اقتصاد پر ودې، تلپاتې پراختیا او سترو ملي اهدافو په هکله هر اړخیر بحث وکړ.
په پیل کې ښاغلي پایاب د چاپېریال ساتنې او اقلیمي_بدلون سره د مبارزې په برخه کې د شته مالي فرصتونو، د ملي پروژو په تطبیق کی چاپېریالي اصولو او قوانینو په پام کې نیولو او د ادارو تر منځ د همغږۍ د پیاوړتیا په اړه خبرې وکړې او هیله یې وښووده چې اړوندې ادارې باید له دې ادارې سره همکاري وکړي تر څنګ یې د اقلیمي بدلون او د چاپېریال په برخه کې د شته مالي فرصتونو لپاره د افغانستان د لاسرسي په پار د څېړنې او په دې برخه کې د یوې څانګې رامنځته کول، په COP26 نړۍوال کنفرانس کې د هېواد د لا مؤثر ګډون لپاره د لازم چمتووالي هیله وښووده.
ښاغلي پاياب د مالیې وزارت له معين څخه د چاپېریال ساتنې ادارې د ملاتړ لپاره، د ملګرو ملتونو له بېلابېلو ادارو سره د همغږۍ ناستو د جوړولو غوښتنه وکړه.
د ماليې وزارت د پالیسۍ معین وویل: افغانستان باید له شته فرصتونو پوره ګټه واخلي او اړوندې ادارې باید په ګډه همغږۍ او همکارۍ له اقلیمي بدلون سره د سازښت او مبارزې په برخه کې نړۍ والې مرستې جلب کړي.
ښاغلي کبیري د همغږۍ په پیاوړتیا ټینګار وکړ او د همکارۍ ژمنه یې وکړه.