وروستی
د چاپېریال ساتنې ملی ادارې د نوي رییس د پېژند کلوۍ غونډه
کابل د غبرګولی ۲۳
د جمهوري ریاست د حکم پربنسټ د چاپېریال ساتنې ملي ادارې نوی رییس ښاغلی پښتون عاطف د چارو ادارې لوی رییس فضل محمود فضلی لخوا د اد ارې رهبرۍ او کارکوونکوته وپیژندل شو.
په یاده غونډه کې د ملی شورا غړي، قومی مشران او د دولتی ادارو معینانو هم ګدون کړئ وو.
په پیل کې انجنیر عزت الله صدیقی د ادارې مسلکي معین راغلو میلمنوته د ښه راغلاست ویلو ترڅنګ ښاغلي پښتون عاطف ته د نوي دندې مبارکي ورکړه او د ادارې د لاسته راوړنو معلومات یې ورسره شریک کړه او په آینده کې یې د همکارۍ او ټیمي کار ډاډ ورکړ.
ښاغلي صدیقی په مالي، سیاسي، او اداري برخوکې د پلان او پالیسۍ د ښه پلي کولو په خاطر د چارو ادارې د هرراز همکاریو غوښتونکی شو. ورپسې د جمهوري ریاست حکم د پښتون عاطف د مقررۍ په اړه د چارو ادارې معاون احمد الله نوید لخوا ولوستل شو.
همداراز د ولسمشر سلاکار جلال الدین سعید ښاغلی پښتون عاطف یو وطن دوسته او د لوړو زدکړو لرونکی وباله او ټینګار یې وکړ چې د چاپېریال ساتنه یواځې د ادارې مسولیت نه دی بلکې ټول خلک باید د چاپېریال په ښیرائ کې ونډه واخلي.
ورپسې د چارو ادارې لوی ریس فضل محمود فضلي د چاپېریال ساتنې ملي ادارې د مخکینې رییس شاه زمان میوندي هڅي وستایلي او قدراني یې وکړه او وې ویل چي د حکومت یو اړین مسوولیت دا دی چې وړ او متعهد کسان ادارو ته معرفي کړي چی ښاغلی عاطف یی ښه بیلګه ده.
ښاغلې فضل محمود فضلی وعده وکړه چې د نورو دولتی ادارو سره په هماهنګي د چاپېریال ساتني ملي ادارې سره به مرسته وکړي.
داکټر فضلی د ادارو په دیجیتلي کیدو ټینګار وکړ او په هیواد کې د نیالګیو کښېنولو په فرهنګ او د چاپیریال ساتنې د پلانونو، قوانینو او طرزالعملونو په پلي کولو ټینګار وکړ.
د غونډې په پای کې ښاغلی پښتون عاطف د چاپیریال ساتني ملي ادارې نوي رییس د جمهوری ریاست له اعتماد او باور څخه مننه وکړه او د ادارې د مخکیني رییس ښاغلی میوندي له کارونو او هڅو څخه یې مننه وکړه او وه یې ویل چي یاد مسولیت به په ګډه د ادارې د رهبرۍ او کارکونکوو سره پرمخ وړو،همدارنګه ښاغلي پښتون عاطف خپل پروګرامونه د اقلیم د بدلون، نړیوالو مالي مرستو جلبول، د اړوندو اداراتو ترمنځ همږغۍ، د طبیعي میراثونو ساتل، د شنو سیمو پراختیا،د ځنګلونو ساتل، د اوبو، هوا او خاوري د ککړتیا مدیریت، د عامه پوهاوي لوړول، د چاپېریا ساتني د مقرراتو او پالیسۍ د تطبیق په برخو کي وړاندي کړ.
همدارنګه یې وویل : ټولنیز او اقتصادي پرمختګ هغه وخت شونی دی چي یو متعهد او پیاوړی کاري تېم شتون ولري او زموږ پیغام دادی چي د اداري فساد د له منځه وړلو او روڼتیا رامنځته کېدو په خاطر په یوه مشترک کاري ټېم کي کار وکړو.