وروستی
د چاپېریال ساتنې ملي ادارې عمومي رئیس د دوامداره پراختیا او چاپېريال ساتنې موسسې له مشرتابه سره وکتل
د چنګاښ ۱۰مه کابل
د چاپېریال ساتنې ملي ادارې عمومي رئیس پښتون عاطف د چنګاښ په ۹مه نېټه د دوامداره پراختیا او چاپېريال ساتنې موسسې (ASDEO) له مسوول بنجامین رابرټ سلاټر او مرستیال محمد خیبر هیوادمل سره په خپل کاري دفتر کې وکتل.
ښاغلي عاطف د چاپېریال ساتنې په برخه کې د دوامداره پراختیا موسسې کړنې وستایلې او ویې ویل: چاپېریالي موضوعات د یوې ادارې پورې اړه نه لري؛ بلکې چاپېریال ساتنه د ټولو افغانانو مسوولیت دی.
په دې لیندنه کې دواړو خواوو د چاپېریالي وضعیت پر ښه کېدا، د نادولتي موسسو، خصوصي سکتور او ادارې تر منځ د همغږۍ په پراختیا ټینګار وکړ او د افغانستان د دوامداره پراختیایي موخو د تطبیق په هکله یې هر اړخیز بحث وکړ.
ښاغلي هېوادمل ژمنه وکړه چې د زبالو د مدیریت، د عامه پوهاوي لوړولو، له هوا ککړتیا او اقلیمي بدلون سره د مبارزې په برخه به له چاپېریال ساتنې ملي ادارې سره همکاري کوي.