وروستی
د ښکاریانو له منګولو څخه دوه دانې کميابه مرغان ازاد شول
د چنګاښ ۲۱مه/ تخار
د تخار ولایت د چاپېریال ساتنې ریاست د امنیتي مسوولینو په همکارۍ دوه دانې ګوربتې د ښکاریانو له منګولو خوشې کړې.
د تخار ولایت د چاپېریال ساتنې رئیس ولي حبیبي په وینا، یاد مرغان د چاپېریالي چارو د مفتشینو لخوا د تالقانو له یوه بازار څخه ترلاسه شوي وو.
دغه مرغان چې یوه یې ګوربته او بل یې وړوکی بادوړي دی، د افغانستان د ساتنې وړ وحشي ډولونو په نوملړ کې دي، قاچاق یې بند دی او له عاملینو سره به یې قانوني چلند وشي.
د چاپېریال قانون د ۴۹مادې په اساس؛ ټول حیوانات، نباتات او مرغان چې د ساتنې وړ په نوملړ کې شامل دي؛ ښکار او قاچاق یې بند دی.