وروستی
پکتیکا کې یو کمیابه او قیمتي مرغه د ښکاریانو له منګولو خلاص شو
د زمري ۱۸مه پکتیکا
د پکتیکا ولایت د چاپېریال ساتنې ریاست لخوا یو کمیابه مرغه د ښکاریانو له منګولو خلاص او ازاد کړل شو.
د دغه مرغه انګریزي نوم (Common Buzzard) لاتيني نوم يې(Buteo buteo) ، پښتو کې ورته سرخیل او په دري کې ورته لاشخور معمولي وایي، په ۱۳۸۹ کال کې د طبيعت د ساتنې ټولنې د معيارونو پر بنسټ ارزول شوی او د ساتنې وړ ډولونو په نوملړ کې شامل شوی.
سرخیل یو ښکاري الوتونکی دی چې د سالم ايکوسيستم يا چاپېريال په ساتنه کې مهمه او کليدي ونډه لري، د دي الوتونکي جوجوره يا معده داسې اسيد لري چې د ورستو شویو ژوو هډونه په ډیره اسانۍ سره هضموي او د مړو ژوو د جسدونو په خوړلو سره نه يوازې دا چې چاپېريال له ککړتيا څخه پاک ساتي، بلکې د ساري ناروغيو په مخنيوي کې هم يوه مهمه ايکولوژيکي دنده ترسره کوي.
یاد مرغه په ټول افغانستان کې پیدا کیږي او په دښتو کې ژوند کوي، خلک یې د دې لپاره نیسي چې قیمتي بازان پرې ښکار کړي.
|په نړۍواله کچه دا الوتونکی د طبيعت د ساتنې نړيوالې ټولنې په نوملړ کې د لږ انديښنې وړ يا (least concern) تر معيار لاندې ارزول شوی دی.