وروستی
د چاپېريال ساتنې ملي ادارې مشرتابه د (FAO) سازمان له رئيس سره مشورتي غونډه وکړه
د کب ۱۲مه کابل
د چاپېريال ساتنې ملي ادارې سرپرست ډاکټر زین العابدين عابد او مسلکي معين انجنیر عزت الله صديقي پرون د کب په ۱۱مه نېټه د ملګرو ملتونو د خوړو او کرنې سازمان (FAO) له رئيس ښاغلي ريچارډ Richard سره مشورتي غونډه وکړه.
د دې ادارې سرپرست د مېلمنو هرکلی وکړ او زياته يې کړه: د چاپېريال ساتنې ملي ادارې فعاليتونه لکه د پخوا په څېر ادامه لري او موږ ټولو ملي او نړيوالو بنسټونو سره د اقليمي بدلون په برخه کې د هر ډول چاپېريالي پروژو جلب او جذب ته ژمن او همکارۍ ته چمتو يو.
د ملګرو ملتونو د خوړو او کرنې سازمان رئیس له چاپېريال ساتنې ملي ادارې سره د همکارۍ ټټر وواهه او ژمنه يې وکړه چې د اقليمي بدلون په برخه کې به چاپېريالي پروژې پلي کوي.
له هر اړخيز بحث وروسته پرېکړه وشوه چې د پروژو د پلي کولو په برخه کې به فعاليتونه په عادي توګه ترسره کيږي او د دواړو لورو تر منځ به همکاري لا پياوړې شي.