وروستی
خبرتیا
څرنګه
چې لیدل کیږي ډیری آیسکریم پلورونکي، د خوراکي توکو او د زړو توکو پېرودونکي د ښار
په کوڅو کې په ډیر لوړ او غیر مجاز غږونو سره چې په لاوډسپیکرونو کې ثبت شوي دي،
نارې وهي چې دا کار زموږ د هېوادوالو د رواني سکون د ناآرامۍ سبب ګرځي او په ځانګړې
توګه د روژې په مبارکه میاشت کې خلک په تکلیفوي.
د
چاپېریال ساتنې ملي ادارې د دې اعلامیې په خپرولو سره ټولو آیسکریم پلورونکو، د
خوراکي توکو پلورونکو او د زړو توکو پېرودونکو ته خبرداری ورکوي چې د صوتي ککړتیا
د راکمولو او مخنیوي مقررې د ۱۰مې مادې پر اساس، هر ډول لوړ او غیر مجاز غږونه
بند دي؛ ځکه دا کېدای شي چې په اوږدمهال کې خلکو ته د غوږونو د ناروغۍ لامل شي.
که
د دې ادارې د چاپېریالي چارو د مفتشینو لخوا د صوتي ککړتیا لاملین وپېژندل شول؛
قانوني چلند به ورسره وشي چې څوک بیا د شکایت حق نه لري.