وروستی
په ټول هېواد کې ښکار بند دی، له سرغړوونکو سره جدي چلند کیږي
۱۴۴۴کال د شعبان ۸مه - لغمان
دا چې په هیواد کې د هوا په ګرمیدو او د پسرلي په رارسیدو سره الوتونکي ډیر شوي او ځینې کسانو یې په ښکار پیل کړی دی په همدې موخه د لغمان چاپیریال ساتنې ریاست د ښکار د مخنیوي په تړاو د ریاست الوزرا عالي مقام د ۱۰/۲/۱۴۴۳نیټې د ۱۱۴ ګڼه هدایت د تطبیق په موخه د لغمان ولایت ټولو ولسوالیو او نورو همکارو ادارو په ځانګړی ډول امنیتي ارګانونو ته مکتوبونه لیږلي او لازمه همغږي یې رامنځته کړې ده؛ نو په همدې اساس د یاد ولایت د قرغيي ولسوالۍ د خیروخیلو سیمې کې د شاهراه د استخباراتو مسؤلینو له لوري څلور تنه ښکاریان چې د مختلفو وسایلو څخه په استفادې یې د خدای تعالی دغه بې ازاره مخلوق ښکار کاوه، نیول شوي دي. د لغمان چاپیریال ساتنې ریاست له لوري یې ټولې نیول شوې مرغۍ خوشې شوې، د ښکار وسایل یې ورڅخه واخیستل شول او همدا راز له ښکاریانو څخه د یاد عمل د نه تکرار تضمین واخیستل شو چې د تکرار په صورت کې به له جدي اصولي چلند سره مخ شي.
د یادونې وړ ده چې د ښکار د مخنیوي لپاره په مکرر ډول له ټولیزو، اعلامیو، غونډو او خبرتیاوو له لارې خلکو ته پوهاوی ورکړل شوی ده همدارنګه د ټولو ولسوالیو اړوندو همکارو ملکي او نظامي ادارو ته هم د ښکار د مخنیوي لپاره د لازمو اجراآتو د ترسره کیدو په موخه مکتوبونه لیږل شوي دي؛ ترڅو د هیواد دغه سرمایه خوندي پاتې شي.