وروستی
په لغمان کې د نیالګیو کېنولو ملي کمپاین پیل شو
۱۴۴۴کال د شعبان ۲۰مه/ لغمان
د نیالګیو کېنولو ملي کمپاین پر دوام تېره ورځ د حوت میاشتې
په ۲۰مه نېټه
په لغمان ولایت کې دکرنې او خواړو نړیوال سازمان(FAO) په مالي مرسته د
(213900) دوه لکه و دریارلس و نهه سوه، میوه لرونکو او بې میوې نیالګیو د ویش لړۍ
پیل شوه.
د لغمان ولایت د چاپېریال ساتنې ریاست له لوري د نیالګیو کېنولو
ملي کمپاین د پلي کېدو پلان ترتیب او له اړوندو ادارو سره تر لازمې همغږۍ وروسته
په یاد ولایت کې د نیالګیو کینولو کمپاین رسماً پیل شو.
سږ کال به په لغمان ولایت کې دFAO سازمان له خوا د
مرکزمهترلام په ګډون د قرغیو او علیشنګ ولسوالیو اته انجمنونو ته چې له ګلارام، حکیم
آباد، کرنج، میل دره، ماسموت، کردی سالاب، امبیړ او الیاس خیلو شامل دي؛ 213900 نیالګي
وویشل شي.
په دې نیالګیو کې 4900 د بادامو،10500 د غوړاسکي،3500 د
جلغوزيو،10000 د چهارمغزو او 185000 سپیدارو قلمې شاملې دي چې په نېږدې ورځو کې
به د
FAO لخوا 60000 د مالټو نیالګي او 45000 د زیتونو نیالګي د نوموړو ولسوالیو انجمنونو ته
وویشل شي.
