وروستی
په میدان وردګو کې د نیالګیو کېنولو ملي کمپاین پیل شو
۱۴۴۴کال
د شعبان ۲۱/ ميدان
وردګ
د میدان وردګو ولایت د چاپیریال ساتنې ریاست او نیالگیو کېنولو ولایتې کمیټې لخوا
پرون د حوت په ۲۱مه
نېټه د بریا او پرمختگ نیالگي تر شعار لاندې د نيالګيو کېنولو ملي کمپاين رسماً پیل
شو.
په دې مراسمو کې د میدان وردګو والي حافظ محمدامین «عمري» امنیه قومندان شیخ الحدیث
محمدشریف «حلیمي»، ښاروال محمد ظابط حارث، د اطلاعاتو اوفرهنګ رئیس حبیب الله
مجاهد اخندزاده د امربالمعروف رئیس قاري محمدعالم ناصح، د ملکی او نظامي
ادارو مسولینو، دسرې میاشتی رضاکارانو، دیني عالمانو، سویدن کمیتې استازو، قومي سپین
ږیرو، د رسنیو استازواو ځوانانوګډون کړی وو.
غونډه د قرانکریم د مبارکو ایتونو په تلاوت پیل شوه ورپسې د میدان وردګو ولایت د
چاپیریال ساتنې رئیس الله محمد «ذاکر» د نیالګیو د اهميت او ساتنې په اړه وينا وکړه
او له خلکو يې وغوښتل چې د نيالګيو کېنولو سربېره د نيالګيو ساتنې او پالنې ته هم
جدي پاملرنه وکړي.
د ميدان وردګو والي هم د نيالګيو د اهميت په هکله خبرې وکړې او ويې ويل چې سږ کال
به په دې ولايت کې تر څلور ميليونه نيالګي کېنول شي.
د دې کمپاين په لړ کې د چاپېريال ساتنې رياست لخوا ۵۰۰ نيالګي کېنول شول.