وروستی
د کیګالي تعدیلاتو په تړاو غونډه وشوه
۱۴۴۴کال
د شوال ۲۶مه/
کابل
د چاپېریال ساتنې ملي ادارې مسلکي او پالیسي چارو معین
ډاکټر زین العابدین عابد په مشرۍ نن د ثور په ۲۶مه نېټه د دې ادارې د بند
امیر غونډو په تالا کې د کیګالي تعدیلاتو په تړاو غونډه جوړه شوې وه چې پکې د
اړوندو ادارو استازو، د دې ادارې یو شمېر رئیسانو او متخصصینو ګډون کړی وو.
غونډه د قران عظیم الشان د مبارکو آیتونو په تلاوت پیل او
ورپسې د دې ادارې مسلکي او پالیسي چارو معین ډاکټر زین العابدین عابد ګډونوالو ته
ښه راغلاست ووایه او زیاته یې کړه: اقلیمي بدلون یو نړۍوال ګواښ دی چې افغانستان
یې هم اغېزمن کړی او له همدې امله په نړۍوالو چاپېریالي کنوانسیونونو کې بدلونونه
راځي د چاپېریال ساتنې ملي اداره هم باید د خپل عضویت د ساتلو لپاره تعامل وکړي او
د هغو د اصولو مطابق ځان عیار کړي.
ښاغلي عابد د دې ادارې او اړوندو ادارو متخصصینو ته
سپارښتنه وکړه چې په نړۍوالو چاپېریالي کنوانسیونو کې د دې ادارې د غړیتوب د دوام
په خاطر باید د هغو د اصولو مطابق خپل فعالیتونه تظیم کړي.
د یادونې وړ ده چې د افغانستان اسلامي امارت کابیني ۱۴۴۴/۹/۲۵نېټې غونډه کې د ۳۱ مصوبې په ۲بند کې لارښوونه کړې وه چې د
چاپېریال ساتنې ملي اداره دي د کیګالي تعدیلاتو په هکله خپل موقف څرګند کړي.
د غونډې په لړ کې د نړۍوالو چاپېریالي کنوانسیونونو
(ویانا، مونتریال پروتوکول، او کیګالي تعدیلاتو) په تړاو د متخصصینو له خوا
معلوماتي پرزنټېشنونه وړاندې شول او همدا راز د اوزون پوړ ویجاړوونکو ګازونو او
کیګالي تعدیلاتو په هکله هر اړخیز تخنیکي بحث وشو او د ۳۱ګڼې مصوبې د هدایت په اساس به
د ۱.۱.۱
مشترتابه ته لنډه یادداښت هم چمتو شي.