وروستی
د ډېر دود تولیدونکو موټرونو د ترمیم لپاره دي یو میکانیزم جوړ شي
۱۴۴۴کال
د ذوالحجې ۲۵/ کابل
د چاپېریال ساتنې
ملي ادارې پالیسي او مسلکي معین ډاکټر زین العابدین عابد په مشرۍ د هواککړتیا د
مخنیوي په موخه په کابل ښار کې د دود کوونکو او زړو موټرونو د کنترول په تړاو غونډه وشوه چې پکې د ټرانسپورټ وزارت، ترافیکو
ریاست او کابل ښاروالۍ استازو ګډون کړی وو.
په پیل کې د چاپېریال ساتنې ملي ادارې پالیسي او مسلکي معین
ډاکتر زین العابدین عابد د هواککړتیا د مخنیوي په موخه د زړو او دود کوونکو موټرونو
د توقف او پر نوو موټرونو یې د اسنادو د عوض کولو په اړه خبرې وکړې او د اړوندو
ادارو له استازو یې وغوښتل چې د دې ستونزې د حل لپاره باید یوه کميټه جوړه شي او د
زړو موټرونو د ترمیم یا نوو موټرونو ته یې د اسنادو پر عوض کولو باندې یو ګډ تصمیم
ونیول شي؛ ترڅو راتلونکي ژمي کې د هواککړتیا د مخنیوي لپاره یو تدابیري پلان وي.
د غونډې په پای کې پریکړه وشوه چې راتلونکې غونډه کې باید د
اړوندو ادارو استازي را وبلل شي او د یادې موضوع په اړه مشخصه طرحه جوړه شي.