وروستی
د علینگار ولسوالۍ د طبیعي ځنګلونو ایکولوژیکي سروې ترسره کیږي
۱۴۴۵کال د صفر ۱۵مه/ لغمان
د لغمان ولایت د چاپېریال ساتنې رئیس د یوه تخنیکي ټیم په
ملتیا د یاد ولایت د کرنې ریاست په همغږۍ د علینګار ولسوالۍ د طبیعي ځنګلونو څخه د
نظارت، ایکولوژیکي سروې، د محلي چاوراکو او قومي مشرانو سره د یادو ځنګلونو د ساتنې
او احیاء په موخه یادې ولسوالۍ ته رسمي کړی.
یاد پلاوی د تیرو څو ورځو را په دیخوا د علینګار ولسوالۍ د
نورلام صاحب درې ایکولوژیکي ابتدائي سروې او له یادې سیمې څخه د لازمو چاپېریالي
معلوماتو د راټولولو او په سیمه کې د قومي مشرانو، ځوانانو او علمای کرامو سره د
ناستو او د ځنګلونو د ساتنې په هکله د هغوی د عامه پوهاوي لوړولو او د ذهنیت جوړولو
پروسه پیل کړې او دا لړۍ دوام لري.
د چاپېریال ساتنې ملي اداره د ځنګلونو، وحشي ژوو، الوتونکو،
څړځایونو، طبیعي منظرو او په ټوله کې چاپېریال ساتنې لپاره جدي هلې ځلې کوي، هیله
ده چې قدرمن هېوادوال هم په دې برخه کې خپل ملي او ایماني مسوولیت ادا کړي.