وروستی
د چاپېریال ساتنې ملي ادارې پالیسي او مسلکي معین د کندهار ولایت له چاپېریالي وضعیت څخه ارزونه وکړه
۱۴۴۵کال
د صفر ۲۱نېټه/
کندهار
د چاپېريال ساتنې ملي ادارې پاليسي او مسلکي معين ډاکتر زين
العابدين عابد د کندهار ولایت د چاپېریالي وضعیت د ارزونې په موخه یاد ولایت ته د
خپل سفر په ترڅ کې د کندهار ولایت د چاپېريال ساتنې رياست څخه لیدنه وکړه.
د غونډې په پیل کې د کندهار ولایت د چاپيريال ساتنې رٸيس
مولوي محمد يوسف حذيفه پالیسي او مسلکي معين ته ښه راغلاست ووايه او د خپلو
فعاليتونو په هکله یې ورته معلومات ورکړل.
ورپسې د چاپېریال ساتنې ملي ادارې پالیسي او مسلکي معین ډاکتر
زین العابدین عابد وينا وکړه او له ټولو کارکوونکو څخه وغوښتل چې په پوره لېوالتيا
او اخلاص سره خپلو کارونو او مسٶليتونو ته جدي پاملرنه وکړي. ښاغلي عابد په خپلو
خبرو کې وويل چې تېرو څلويښت کلنو جنګونو او بهرنيو ېرغلونو له امله د افغانستان
خلک سخت ځورېدلي دي او ډېر کارته اړتيا لري.
د یادې لیدنې په لړ کې د کارکوونکو په استازیتوب د مالي او
اداري چارو مدیر وینا وکړه او موجوده ستونزې د ادارې له مشرتابه سره شریکه کړې.
په پاى کې د چاپېريال ساتنې ملي ادارې پالیسي او مسلکي معين
د کندهار ولایت د چاپيريال ساتنې رياست مسوولینو ته لازمې سپارښتنې وکړې، د موجودو
ستونزو د حل ژمنه یې وکړه او له ټولو کارکوونکو یې وغوښتل چې خپلې دندې او مسولیتونه
په پوره ایماندارۍ سره ترسره کړي.