وروستی
د بلخ پوهنتون د انجينيرۍ او چاپېریال ساتنې پوهنځيو له ښوونکو سره ليدنه
د چاپېريال ساتنې ملي ادارې عمومي رئيس بلخ ولايت ته د خپل رسمي سفر په درېيمه ورځ د بلخ پوهنتون رئيس، د انجينرۍ او چاپېريال ساتنې پوهنځيو له رئيسانو او استادانو سره وکتل. شاه زمان ميوندي د چاپېریال ساتنې ملي ادارې عمومي رئيس په دې ناسته کې د چاپېریال ساتنې به برخې کې د څېړنيزو فعاليتونو پراخېدلو او یو شمېر نورو مهمو چاپېریالي موضوعاتو په اړه خبرې وکړې او د بلخ پوهنتون له ښوونکو څخه يې وغوښتل ترڅو د يو سالم چاپېریال لپاره خپل څېړنيز فعاليتونه د چاپېريال ساتنې له ملي ادارې سره شريک کړي. همدرانګه د بلخ پوهنتون روئساو او استادانو د چاپېريال ساتنې په برخه کې يې ( ميداني څېړنې ) يې حياتي وبللې او د ياد پوهنتون د انجینيرۍ او چاپېريال ساتنې پوهنځيو سره د چاپېريال ساتنې مرکزي ادارې د دوامداره او اغېزمنو همکارۍ غوښتونکي شوه. دواړو خواوو د ګډو همکاريو د اعلانولو ترڅنګ، ټينګار وکړ چې د اغېزمنو چاپېريالي پروژو د ترسره کولو لپاره د یو او بل همکاري ترلاسه کړي او په ګډه توګه مخ پر وړاندې لاړ شي.