وروستی
د چاپېریال ساتنې ملي ادارې ته غزیدلی سړک تر جوړېدو وروسته پرانېستل شو
۱۴۴۵کال
د صفر ۲۸مه/
کابل
د کابل ښاروالۍ له خوا د چاپېریال ساتنې ملي ادارې ته غزیدلی
سړک چې اوږدالی یې ۳۵۰
متره او بر یې ۹متره
دی په اساسي توګه ورغول شو او نن د ۱۴۴۵کال
د صفر میاشتې په ۲۸مه
نېټه رسماً پرانېستل شو.
هغه مراسم چې د یاد سړک د پرانېستې لپاره جوړ شوي وو پکې د
چاپېریال ساتنې ملي ادارې عمومي رئیس حافظ عزیر الرحمن، د مالي او اداري چارو معین
مولوي عبدالسلام حقاني، د ادارې رئیسانو او کارکوونکو، د کابل ښاروالۍ معینانو
مولوي یاسر او مولوي خالد سجستاني، د دفتر
رئیس حافظ عبدالقدیر، د حفظ او مراقبت رئیس مولوي عبدالحبیب او تخنیکي ټیم کډون کړی
وو.
پر همدې مهال د کابل ښاروالۍ مرستیال مولوي یاسر وویل دا سړک
د کابل ښاروالۍ په داخلي بودجه جوړ شوی چې په دې سره به په بشپړ ډول د خلکو چاپېریالي
ستونزې حل شي او نور به له دوړو، ګرد او غبار او همد راز د ورښتونو پر مهال له خټو
بې غمه وي.
د چاپېریال ساتنې ملي ادارې عمومي رئیس حافظ عزیز الرحمن د
خپلو خبرو پرمهال د کابل ښاروالۍ ددغه اقدام ستاینه وکړه او د وطن د آبادۍ په برخه
کې ورته د لا نورو غوره خدمتونو د وړاندې کولو هیله څرګنده کړه.
نوموړي وویل ددې سړک جوړېدل خورا مهم و چي له نېکه مرغه د
کابل ښاروالۍ له لوري د چاپېریال ساتني ملي ادارې وړاندیز ته مثبت ځواب وویل شو او
دادی نن ګټي اخیستني ته وسپارل شو.