وروستی
د مالستان ولسوالۍ د میان کوه د مرمر ډبرې د استخراج له پروسې څخه نظارت ترسره شو
۱۴۴۵کال
د صفر ۲۹مه/
غزني
د غزني ولایت د چاپېریال ساتنې ریاست نظارتي ټیم په کانونو
کې د چاپېریالي اغېزو د ارزونې او چاپېریالي اصولو د تطبیق په موخه تېره ورځ د
مالستان ولسوالۍ د میان کوه د مرمر ډبرو له معدن او د استخراج له پروسې څخه څارنه
وکړه.
د چاپېریالي چارو مفتشینو د کان مسوولینو ته سپارښتنه وکړه
چې د فعالیت پر مهال د چاپېريال نافذه قوانين، مقررات، اصول او شرايط رعايت او پلي
کړي او هم د خپل فعاليت په جريان کې د (خاورې،اوبو، هوا او غږيزې) ککړتيا د کچې راټيټولو،
مخنيوي او د غير مترقبه پېښو د مخنيوي په خاطرځانګړي تدابير په پام کې ونيسي.
د هوا ککړتيا راکمولو او مخنيوي مقررې د ۱۴ مادې د حکم په اساس د فابریکو او کانونو مسوولین مکلف
دي چې د فعالیت په سیمه کې لس سلنه ځای د شنې ساحې لپاره ځانګړی کړي او په هغه کې
مختلفې ونې او شنه بوټي وکري.
