وروستی
مطبوعاتي اعلامیه
د سنبلې میاشتي ۲۵
د سپټمبر 16 مه د اوزون نړیواله ورځ ده چي له دې ورځې څخه په ټوله نړۍ کې لمانځنه
کیږي.
سږکال دا ورځ (د مونتریال پروتوکول: د
اوزون طبقې ترمیم او د اقلیمي بدلون کمول)
تر شعار لاندي په ټوله نړۍ کي لمانځل کیږي.
د افغانستان اسلامی امارت د ویانا کنوانسیون او مونتریال پروتوکول له غړیتوب وروسته دا ورځ هر کال لمانځې.
د ویانا کنوانسیون او د مونټریال پروتوکول د 198 هېوادونو غړیتوب لري، غړی هیوادونه
مکلف دی چې تر 2040 کال پوري د هایدروکلورو فلورو کاربن (HCFCs) ګازونو کارول
چي د اوزون طبقې د تخریب سبب کېږي د کیگالی تعدیلاتو په اساس ّپه تدریجي ډول تر 2050 کال پوری لمنځه
یوسې.
په دې برخه کي د چاپېریال ساتنې ملي اداره یو لړ تدابیر نیولي چی پورته ذکر شویو
اهداف ته ځان ورسوي او د هغو موادو اکمال او مصرف تنظیم کړي چي د اوزون طبقې د
خرابیدو باعث ګرځي.
له نېکه مرغه د افغانستان اسلامي امارت کابینې په دې وروستیو کي د مونتریال
پروتوکول دکیګالي تعدیلاتو طرحه تايید کړه
چې موخه یې د هایدرو فلوروکاربنونو(HCFCs) ګازونو په تدریجی ډول لمنڅه وړل دي.
باید وویل سي چي تر دې دمه 150 هیوادونو د
کیګالي تعدیلاتو هوکړه لیکونه تصویب کړي او خپله ژمنتیا یې ښودلې ده.
دا مهال نړۍ د اقلیمي تغیراتو له ناوړو پایلوسره مخ ده ، د ځمکي د کرې ګرموالی په
اوس وخت کي د نړۍ او سیمي د چاپیریال د عمده ننګونو څخه بلل کیږي ،لکه څنګه چي
افغانستان کم پرمختللی او غیر صنعتي هیواد دی، دګلخانه یې ګازونو د انتشاراندازه یې
یوازي (0,08)سلنه ده خود سیمي په کچه د اقلیمي بدلونونو له امله تر ټولو زیات زیان
ویني او په نړۍ کي شپږم هغه هیواد دی چي د اقلیمي تغیراتو څخه زیات متاثره دی .
د چاپېریال ساتني ملي اداره یوځل بیا له نړیوالي ټولني څخه غوښتنه کوي چي چاپیریالې
مسایل سیاسي نه کړي او په دې برخه کي خپلې ټولې تعلیق شوي پروژې ژر تر ژره بیا پیل
کړي.
دغه اداره د اوزون طبقې د ساتني اهمیت ته په پام سره له ټولو هیوادوالو او امارتي
ادارو څخه غواړي هغه شرکتونه چی په قانوني
ډول او د سهمیې په اساس ذکر شوي توکې وارد وي ورسره لازمه مرسته وکړي او په غیر
قانوني توګه د (HCFCs) ګازونو د قاچاق د مخنیوي په برخه کي لازم
اقدامات ترسره کړي.
همدا راز د ټولو واردونکو شرکتونو او هغو
ورکشاپونو چي د یادو ګازونو او وسايلو سره سر او کار لري، غوښتنه کوو چي په ساتلو
کي دې
جدي پاملرنه وکړي ترڅو له امله یې د رامنځته کیدونکو خطراتو مخه نیول شوې
وي.
د چاپېریال ساتنې ملي اداره