وروستی
د چاپېریال ساتنې او ښکار د مخنیوي په هکله سلګونو پولیسو ته عامه پوهاوی ورکړل شو
۱۴۴۵کال
د ربیع الاول ۵مه/
میدان وردګ
د میدان وردگو ولایت د چاپېریال ساتنې ریاست او د توپ دښتې ښوونیزاو
روزنیز مرکز د مسولینو په ګډه همکارۍ د یاد مرکز د غونډو په تالار کې د مختلفو ولایتونو
(۵۰۹) تنو
پولیسو ته د وحشي ژوو، طبیعي منابعو، چاپېریال ساتنې او ښکار د مخنیوي په هکله د یو
ورځني روزنیز ورکشاپ په ترڅ کې عامه پوهاوی ورکړل شو.
د ورکشاپ په پیل کې د قرانکریم څو مبارک ایاتونه ولوستل شول
ورپسی د توپ دښتې تعلیمي مرکز د تدریسي چارو مرستیال سمونمل نظام الدین (نظامي) د
گډونوالو هرکلی وکړ او د چاپیریالي مسایلو په اړه یې عمومي معلومات وړاندې کړل.
د میدان وردګو ولایت د چاپېریال ساتنې رئیس مولوي الله محمد
ذاکر د وحشي ژوو، طبیعی منابعو او چاپېریال ساتنې په هکله وینا وکړه او طبیعي سرچینې
یې د هیواد ملي شتمني یاده کړه چې باید ساتنه او پالنه یې وشي. ده وویل چې امنیتي
مسوولین مکلف دي چې دهیواد په هرځای کې د وحشي ژوو د قاچاق او ښکار مخنیوی وکړي او
د طبیعي منابعو د ساتنې په برخه کې باید خپل مسولیت ادا کړي.
ښاغلي ذاکر چاپېریال ساتنه د ټولو هېوادوالو دیني او وجداني
مسولیت وباله او د ا.ا.ا. د رئیس الوزرا (۱۴۴) مه گڼه هدایت چې د وحشي ژوو د ښکار د مخنیوي په
اړه صادرشوی، له گډونوالو سره شریک کړ او پرامنیتي مسوولینو یې غږ وکړ چې د وحشي حیواناتو
او مرغانو د ښکار، قاچاق او طبیعي منابعو په ساتنه کې خپل مسولیت ادا کړي همدارنگه
د اجندا سره سم د چاپېریال ساتنې ریاست د تخنیکي ټیم له لوري ګډونوالو ته د طبیعي
منابعو د اهمیت، وحشي ژوو اومرغانو د ښکارد مخنیوي او نورو مهمو چاپیریالي مسایلو
په تړاو معلوماتي پرزنټېشنونه وړاندې شول.