وروستی
په فراه کې د اقليمي بدلون نړيواله اونۍ ولمانځل شوه
۱۴۴۵کال
د ربیع الثاني ۴مه
نېټه/فراه
د فراه ولایت د چاپېریال ساتنې ریاست له خوا د اقلیمي بدلون
نړۍواله اونۍ د یو لړ مراسمو په ترڅ کې ولمانځل شوه په دې لمانځغونډه کې د فراه
ولایت د علماوو شورا رئیس شیخ عبدالقوي حقاني، د اطلاعاتو او فرهنګ رئیس مولوي
عبدالحی سباوون، د حج او اوقافو رئیس مفتي غلام رباني، د عامې روغتیا رئیس مولوي
احسان الله شاکر، د اړوندو دولتي ادارو استازو، د پوهنتون استادانو، علمای کرامو
او محصلینو ګډون کړی وو.
غونډه د قران عظیم الشان مبارکو آیتونو په تلاوت پیل شوه او
د فراه ولایت د چاپېریال ساتنې رئیس حافظ برهان الدین راشد ګډونوالو ته ښه راغلاست
ووایه او زیاته یې کړه: هرڅه الله تعالی د بشر د هوساینې لپاره پیدا کړي دي او زموږ
په خدمت کې دي چې موږ باید د الله تعالی شکرانه ادا کړو او په سمه توګه باید ترې
استفاده وکړو؛ ترڅو د اقلیمي بدلون له ناوړه اغېزو څخه په امان شو.
ورپسې د علماوو شورا رئیس، د حج او اوقافو، اطلاعاتو فرهنګ
او عامې روغتیا رئیسانو د اقلیمي بدلون د
اغېزو په تړاو خبرې وکړې.
همدا راز د فراه پوهنتون استاد پوهنیار محراب الدین او د
چاپېریال ساتنې ریاست کارپوه د اقلیمي بدلون د لاملونو او ناوړه اغېزو په هکله هر
اړخیزو معلوماتي پرزنټیشونه وړاندې کړل او د ګډونوالو پوښتنو ته یې ځوابونه ورکړل.