وروستی
په تورخم بندر کې یو قیمتي باز د قاچاقبرو له منګولو خلاص او آزاد شو
۱۴۴۵کال د ربیع الثاني ۱۰مه/ ننګرهار
یو بال ښکاري الوتونکی (باز) چې د طورخم له لارې ګاونډي هېواد پاکستان ته قاچاق کېده
د طورخم بندر استخباراتو مدیریت د مسئولينو له لوري نيول شوی و، د ننګرهار ولايت د
چاپېريال ساتنې رياست ته تر سپارل کېدو
وروسته د ولايت مقام د حکم په اساس د ګډ هئيت په شتون کې خپل اصلي چاپېريال ته
خوشي شو.
ياد الوتونکی چې خورا ارزښتمن، د چاپېريال ساتنې ملي ادارې د ساتنې وړ وحشي ډولونو
په نوملړ کې شامل او نسل یې د ورکیدو له ګواښ سره مخ دی، په همدې موخه چې نسل يې
له منځه لاړ نشي د ساتنې لپاره ځانګړې پاملرنې ته اړټیا لري، همداراز يې سوداګري د
چاپېريال ساتنې ملي ادارې د ارزونې او جواز پرته غیر قانوني ده.
د ننګرهار ولایت د چاپېريال ساتنې رياست د طورخم بندر د استخباراتو مسئولینو او
کشفي ارګانونو څخه مننه کوي چې د نوموړې قاچاق کېدونکی باز د قاچاق مخنيوی يې وکړ
او په راتلونکې کې هم د همکارۍ له مخې ور څخه
د ورته اقداماتو د ترسره کولو غوښتنه کوي.
