په هملند کې د طبي زبالو د تنظیم ولایتي کمیټې غونډه وکړه

۱۴۴۵کال د ربیع الثاني ۱۳مه/ هلمند
د هلمند ولایت د چاپیریال ساتنې رئیس مولوي محمدعیسي اغا په مشرۍ د طبي زبالو د تنظیم ولایتي کمېټې نوبتي غونډه وکړه چې پکې د ولایت مقام، عامی روغتیا، ښاروالۍ، اطلاعات او فرهنګ، راډیو تلویزون، هلمند پوهنتون، سوداګرۍ خونې، کرنې او مالدارۍ ریاستونو او د خصوصي روغتونونو استازو ګډون کړی وو.

په غونډه کې د لښکرګاه ښار اړونده ساحو د طبي پاتې شونو(زبالو) په اړه هر اړخیزه بحث وشو او د خصوصي روغتونو مسوولینو ته سپارښتنې وشوې چې خپلې طبي زبالې چې ډیرې مٗضرې او خطرناکه دي، د چاپیریالي اصولو او قوانینو مطابق باید له منځه یوړل شي. د غونډې په پای کې ګډونوالو په سمه توګه د طبي زبالو د مدیریت او تنظیم په موخه لازمې پرېکړې وکړې:

۱- د خصوصي روغتونونو او کلینیکونو طبي پاته شوني او جامد کثافات (راټولولو، بسته بندي او انتقال) لپاره باید معیاري تدابیر په نظر کې ونیول شي ترڅو د ساري ناروغیو د خپریدو او د چاپیریال  له ککړتیا څخه مخنیوی وشي.
۲- طبي پاته شونې د سوزولو مرکز (incinerator ) باید په معیاري شکل جوړ او حد اقل (۳۰) متره لوړ دودکش ولري او په فلټرباید سمبال وي.
۳- د کثافاتو د دفن کولو په وخت کې باید د روغتیا او حفظ الصحې مراعتولو په خاطر ځانګړی یونیفورم په نظر کې ونیول شي.
۴- د طبي زبالو د تنظیم ولایتي کمیټه  باید د ټولو دولتي او خصوصي روغتیایي مراکزو څخه وخت پر وخت څارنه وکړي.

۵- همدارنګه پرېکړه وسوه چې ټول دولتي او خصوصي انساني او حیواني کلینیکونه او لابراتوارونه خپل طبي پاته شوني صفا لښکرګاه خدماتي شرکت چې د چاپېریال ساتنې ملي ادارې څخه یې جواز ترلاسه کړی، د خپلو طبي زبالو د انتقال قرارداد ورسره وکړي.
۶-  د ټولو خصوصي روغتونونو او کلینیکونو مسولینو ته یوه اونۍ وخت ورکړل شو چې د خپلو طبي پاتې شونو د انتقال پروسه پیل کړي.

Oct 28, 2023