وروستی
د چاپېریال ساتنې ملي ادارې عمومي رئیس په مشرۍ پلاوي په ګلباغ کې د فاضلابو له تخلیهځای څخه لیدنه وکړه
۱۴۴۵کال د ربیع الثاني ۲۶مه/ کابل
د چاپېریال ساتنې ملي ادارې عمومي رئیس حافظ عزیزالرحمن په مشرۍ پلاوي چې د دې
ادارې د طبیعي میراثونو د ساتنې، انکشاف پایدار او اقلیمي بدلون رئیسانو او متخصصینو
پکې حضور درلود؛ د کابل په ګل باغ سیمه کې د دې ادارې د مسلکي هیئت لخوا په بېړني
حالت کې د کابل ښار د فاضلابو خالي کولو لپاره د ټاکل شوي تخلیهځای څخه لیدنه وکړه.
د کابل ښار د ځمکې لاندې اوبو ککړتیا د مخنیوي په موخه د چاپېریال ساتنې ملي ادارې
لهخوا څو میاشتې وړاندې د ریاست الوزرا عالي مقام ته وړاندیز شوی و چې په کابل سیند،
کرنیزو ځمکو او عامه ځایونو کې باید د فاضلابو ټانکرونو تشول ممنوع شي چې له نېکه
مرغه د ا.ا.ا وزیرانو شورا لهخوا د دې
ادارې وړاندیز تائید او په ذکر شوو سیمو کې د فاضلابو ټانکرونو خالي کیدل بند شول.
د چاپېریال ساتنې ملي ادارې ته دنده سپارل شوې وه چې د کابل ښار د فاضلابو لپاره
باید تصفیه خانې جوړې شي چې د اړوندو ادارو استازو په شمول مسلکي پلاوي د فاضلابو ټانکرونو
د تخلیې لپاره د کابل په مختلفو سیمو کې څو ځایونه انتخاب او د تصفیه خانو د جوړلو
طرحې یې چمتو کړې، د دې ځایونو څخه یو یې په ګل باغ سیمه کې دی چې د کلونو راهېسې
پکې د فاضلابو ټانکرونه خالي کیږي او په معیاري توګه نه دی جوړشوی.