د تېرې اونۍ په لړ کې کابل ښار کې د ۱۰ فابریکو او تولیدي شرکتونو له فعالیتونه څارنه شوې

۱۴۴۵کال د رجب ۱۵مه/ کابل
د چاپېریالي اصولو د تطبیق او هواککړتیا راکمولو په موخه د چاپېریال ساتنې ملي ادارې نظارتي ټیمونو د تېرې اونۍ په لړ کې د کابل څرخي پله صنعتي پارکونو، کلکانو او شکردرې ولسوالیو، مرکزي سیلو او ۲۱ناحیې اړوند لړمو کونج او ګزک سیمو کې د ملت سټیل وسپنې ویلو کولو او سیخ ګول تولیدي فابریکې، د مازوت تولیدي فابریکې، د صد برګ په نوم خوراکي توکو تولیدي شرکت، د وطن یزد په نوم د پیپونو تولیدي شرکت، د پي وي سي  او چرګانو دانې تولیدي شرکتونو، د مسلم انصاف او خالد په نوم د مرمر ډبرو د پروسس شرکتو له فعالیتونو څخه څارنه کړې ده.

د نظارت په لړ کې د فابریکو مسوولینو ته چاپېریالي ستونزې ور په ګوته شوې او لیکلې ژمنې ترې واخیستل شوې چې خپل فعالیتونه به معیاري کوي او که د بیاځلي نظارت په صورت کې چاپېریالي سرغړونې ولیدل شي اصولي چلند به ورسره وشي.
د دې ادارې مفتشینو د فابریکو او شرکتونو مسوولینو ته د چاپېریال قانون او مقرراتو په هکله لازم معلومات ورکړل او سپارښتنې یې ورته وکړې چې خپل فعالیتونه د چاپېریالي اصولو مطابق عیار کړي.

هغه فابریکې او فعالیتونو چې په خپلو ورځنیو چارو کې د چاپېریالي اصولو او مقرراتو څخه سرغړونه وکړي د قانون منګولو ته به وسپارل شي.
د چاپېریال ساتنې ملي اداره له ټولو هېوادوالو غواړي چې چاپېریال ساتنه خپل ملي او ایماني مسوولیت وګڼي؛ د هوا، اوبو او خاورې ککړتیا په مخنیوي کې له دې ادارې سره همکاري وکړي.

Jan 27, 2024