وروستی
لغمان کې د چاپیریالي سرغړونو له امله د موټر جوړولو ١٥ ورکشاپونه وتړل شول
١٤٤٥ کال د رجب ٢٢مه/ لغمان
د لغمان ولایت د چاپیریال ساتنې ریاست د کنترول او تفتیش ټیم له لوري په مهترلام ښار
کې د چاپیریالي سرغړونو د مخنیوي او د چاپیریال ساتنې جوازونو د نه درلودولو له
امله د موټرونو د ترمیم ١٥ ورکشاپونه مهرولاک شول.
د یادونې وړ ده چې د یادو فعالیتونو مسوولينو ته د چاپیریال ساتنې ریاست له لوري
پوهاوی ورکول شوی و، د اتحادې له مشرانو او د هر سرای له استازو سره د همغږۍ ناستې
ترسره شوې وې او د چاپیریال ساتنې د جواز د اخیستو لپاره ورته سپارښتنې شوې وې خو
د سرغړونې له امله نن د تفتیش ټیم له لوري مهرولاک شول چې د جواز د اخیستلو او طی
مراحل وروسته به ورته د خلاصیدو اجازه ورکړل شي.