وروستی
د اقلیم بدلون نړیوال کنفرانس د یولړ مراسمو په ترڅ کي پای ته ورسېد
۱۴۴۵کال د شعبان ۳نېته/ ننګرهار
ننګرهار پوهنتون کې د اقلیمي بدلون نړیوال کنفرانس د یولړ مراسمو په ترڅ کي پای ته
ورسېد، د کنفرانس په وروستۍ ورځ د څیړنیزو پوسټرونو نندارتون د ډاکټر ټټسوناکامورا
په پارک کې ترسره شو چې پکې د چاپېریال ساتنې ملي ادارې عمومي رئیس حافظ عزیزالرحمن،
مالي او اداري معین مولوي عبدالسلام حقاني، د لوړو زده کړو علمي معین دوکتور لطف
الله خیرخواه، د دې ادارې رئیسانو، د بهرنیو هیوادنو د پوهنتونونو استادانو او
متخصصینو او د هیواد د مختلفو پوهنتونونو
استادانو او متخصصینو، د ولایتی ادارو رئیسانو او کارکوونکو ګډون کړی وو.
د لوړوزده کړو علمي معین د اقلیم بدلون د کنفرانس په هدف او ارزښت هر اړخیزه
معلومات وړاندې کړل او د بهرنیو او داخلي استادانو او متخصصینو د علمي او څیړنیزو
مقالو په شریکولو له امنیتي مسئولینو او د رسنیو له استازو څخه یې ځانګړی مننه وکړه.
په یاده غونډه کې د جاپان پي ام اس موسسې استازې اغلې پاجیته د ډاکټر ټټسو
ناکامورا پر فعالیتونو او خدمتونو مفصلې خبرې وکړې او د هغه د پاتې پروژو د کار د
بشپړیدو ژمنه یې وکړه.
په ترتیب سره د بهیرنیو هیوادونو استادانو او محققینو او داخلي پوهنتونونو
استادانو او محققینو یاد کنفزانس د افغانستان لپاره خورا مهم او مثبت وباله او له نړیوالو یې د افغانستان سره په دغه برخه کې د
همکارۍ غوښتنه وکړه.
د غونډې په دویمه برخه کې د استادانو او محققینو علمي او څیړنیزې مقالې د پوسټر
پرزنټیشن له طریقه ګډونوالو ته معلومات وړاندې کړل او د هغوی سوالونو ته یې علمي
او مسلکي ځوابونه ورکړل.
د یادونې وړ ده چې په ټوله کې ۱۴۰علمي او څیړنیزې مقالې ننګرهار پوهنتون ته رسیدلي
چې له یا دو مقالو څخه به د اقلیم بدلون سره د سازښت او مبارزې په برخه کی د پالیسیو
او ستراتیژیو په جوړولو کې ګټه واخستل شي.
د غونډې په ورستیو کې بهرني او داخلي استادان، محققین او د کنفرانس تنظیم کوونکي
د ښه خدمت او نه ستړې کیدونکو هلو ځلو په
پار په ستاینلیکونو او ډالو ونازول شول.
د غونډې په پای کې د مسئولینو لخوا د ناکامورا په پارک کې د نیالګیو په کېنولو سره
هیواد والو ته پیغام ورکړل شو چې د اقلیمي ثبات او خوندي چاپېریال لپاره نیالګي کینوي او سالمه پالنه ېې وکړي.
