وروستی
لغمان کې د پسرلي په رارسیدو سره د ښکار د مخنیوي پراخ کمپاین پیل شو
۱۴۴۵کال د شعبان ۱۴/لغمان
د ښکار د مخنیوي په اړه د ریاست الوزرا عالي مقام د ۱۱۴ ګڼه
هدایت د تطبیق په موخه د لغمان ولایت د چاپیریال ساتنې ریاست د امنیتي مسؤلینو په
همکارۍ د ښکار د مخنیوي پراخ کمپاین پیل کړ.
د هوا په ګرمیدو او د پسرلي په رارسیدو سره الوتونکي ډیر
شوي او ځینې کسانو یې ښکار پیل کړی چې د یاد ولایت د باباصاحب دښتې، عمرزایي او درې
غوږي سیمې څخه چې یو شمیر مغرضو اشخاصو پکې د الوتونکو د ښکار لپاره دامونه، جالونه، او نور د ښکار وسایل ځای پرځای
کړي وو د ښکار د مخنیوي پراخ کمپاین ترسره کړ چې په ترڅ کې یې د ښکاریانو وسایل
ضبط او نیول شوې مرغۍ بیرته ازادې فضا ته خوشې کړای شوې؛ ښکاریانو ته د وروستي ځل
لپاره مهلت ورکړل شو چې له یاد ناوړه عمل څخه لاس واخلي چې د تکرار په صورت کې به
له جدي قانوني چلند سره مخ شي.
د یادونې وړ ده چې د ښکار د مخنیوي په هکله په مکرر ډول له ټولنیزو
رسنیو، اعلامیو، غونډو او خبرتیاوو له لارې خلکو ته عامه پوهاوی ورکړل شوی او د ښکار
د مخنیوي په تړاو اړوندو ملکي او نظامي ادارو ته هم د لازمو اجراآتو د ترسره کیدو
په موخه مکتوبونه لیږل شوي دي؛ ترڅو په هېواد کې د وحشي ژوو او مارغانو
ناقانونه ښکار بند شي.
