وروستی
د نیالگیو کېنولو او اهمیت په هکله په ښوونځیو او دیني مدرسو کې د عامه پوهاوي لړۍ دوام لري
۱۴۴۵کال د رمضان ۱۶/ میدان وردګ
د میدان وردګو ولایت د چاپیریال ساتنې ریاست مسوولینو د نیالګیو کېنولو او اهمیت په هکله په ښوونځیو
او دیني مدرسو کې د عامه پوهاوي لړۍ پر دوام تېره ورځ دنرخ ولسوالۍ د تیتمور سیمې
اړوند محمدیه دیني مدرسه کې ۱۰۰
مختلف نیالګي کېنول شول.
همدا راز د یاد ولایت د چاپېريال ساتنې رئيس مولوي الله
محمد ذاکر د محمدیه دیني مدرسې طالب العلمانو ته د نیالګیو کېنولو، ساتنې او پالنې
په هکله هر اړخیزه وینا وکړه او د ونو اهمیت یې د اسلام ، ساینس ، اقتصاد او معنویت
له نظره بیان کړ او ویې ویل چې ونې او شنه بوټي د الله (ج) ثنا وایي، چاپیریال ښایسته
کوي او د هوا په پاکوالي کې خورا ارزښت لري، دغه راز نوموړي په ټولواستادانو او
شاگردانو غږ وکړ چې د چاپیریال د ښکلا او سمسورتیا لپاره یو یو نیالگی کینوي او
ساتنه او پالنه یې وکړي.
د محمدیه مدرسې مسوول شیخ سید احمد منصور هم د ونو د اهمیت
او ساتنی په اړه ویناوکړه او پرشاگردانو یې غږ وکړ چې د نیالگیو ساتنه او پالنه وکړي.
د پروګرام په لړ کې د عامه پوهاوي ټیم لخوا پر ګډونوالو تبلیغاتي
او معلوماتي پاڼې او کڅوړې وویشل شوې.
