وروستی
د یو شمېر فعالیتونو د چاپېریالي وضعیت څارنه وشوه
۱۴۴۵کال د شوال ۲۳مه/ کونړ-پکتیا-ارزګان
د پاک چاپيريال د رامنځته کولو او چاپيريالي اصولو د تطبیق
په موخه د کونړ، پکتيا او ارزګان ولايتونو د چاپېريال ساتنې رياستونو مفتشینو په
اسعداباد کې د نجارۍ دوو فابریکو، ترينکوټ کې د مرغانو د پلور ګنج بازار او د ګرديزـ
خوست لين په اوږدو کې د يو شمير هټیو له فعالیتونو څخه نظارت وکړ.
د ذکر شوو ریاستونو مفتشینو د یادو فعالیتونو مسوولینو ته د
چاپېریال قانون او مقرراتو په هکله عامه پوهاوی ورکړی، موجوده نیمګړتیاوې یې ورته
په ګوته کړې دي او سپارښتنه یې ورته کړې چې خپل فعالیتونو د چاپېریالي اصولو مطابق
ترسره کړي.
د یادونې وړ ده چې په مرکز او ولایتونو کې د چاپېریالي چارو
مفتشین په دوامداره او جدي توګه له هر ډول فعالیتونو څخه څارنه کوي او هر هغه څوک
چې له چاپېریالي اصولو سرغړونه کوي؛ اصولي چلند ورسره کیږي.