وروستی
د ښکار د مخنیوي په موخه د مارغانو د پېر او پلور له استازو سره مشورتي غونډه وشوه
۱۴۴۶کال
د محرم ۲۶مه/ پکتیا
د پکتیا ولایت د
چاپېریال ساتنې ریاست مسوولینو له خوا د ښکار د مخنیوي په موخه د گردیز ښار د
مرغانو د پېر او پلور له استازو سره مشورتي غونډه او همدا راز د مارغانو د پېر او
پلور له مارکیت څخه څارنه وشوه.
د غونډې او څارنې
په ترڅ کې د مرغانو د پېر او پلور هټۍوالو ته د ا،ا،ا د ریاست الوزراء عالي مقام
حکم چې د ښکار د مخنیوي په اړه صادر شوی، هر اړخیز معلومات ورکړل شول، همدا راز
لازمې سپارښتنې ورته وشوې او یوه میاشت وخت ورکړل شو چې پدې اړه جدي اقدام وکړي او
هغه بومي الوتونکي چې نسل یې د ورکېدا له ګواښ سره مخ دی، هغه دې آزاد او خوشې کړي؛
ترڅو نسلونه یې له انقراض څخه وژغورل شي.
د یادونې وړ ده
چې د افغانستان اسلامي امارت مشرتابه د حکم په اساس په ټول افغانستان کې د وحشي
ژوو، مرغانو او کبانو ښکار بند دی؛ هر هغه څوک چې له دې امر څخه سرغړونه وکړي؛ له
قانوني چلند سره به مخ شي.