وروستی
د کابل ښار بېلابیلو ناحیو کې د ۲۳۱ مختلفو اصنافو له فعالیتونو نظارت شوی
۱۴۴۶کال
د مُحرم ۲۹مه/ کابل
د چاپېریال ساتنې
ملي ادارې مفتشینو مرکزي ټیمونو کابل ښار کې د هواککړتیا راکمولو، مخنیوي او په هر
ډول فعالیتونو کې د چاپېریالي اصولو د تطبیق په موخه د تېرې یوې اونۍ په لړ کې د
کابل ښار بېلابیلو ناحیو کې د مختلفو اصنافو (کلینیکونو؛ لابراتوارونو؛ د درملو،
پلاستیکي توکو، پي وي سي، کارتن جوړولو، مالګې، د اوبو د تصفیې او کاغذ تشناب تولیدي
شرکتونو؛ د ودونو هوټلونو؛ د سونا حوضونو؛ رستورانتونو؛ نانوایانو؛ حمامونو؛ کیک
او کلچه پزیو؛ قصابیو او درملتونونو) له فعالیتونو څخه نظارت وکړ، مالکینو ته یې
موجوده چاپېریالي ستونزې په ګوته شوې او سپارښتنه ورته وشوه چې خپل فعالیتونه د
چاپېریالي اصولو مطابق عیار او ترسره کړي.
د یادونې وړ ده
چې د چاپېریال ساتنې ملي ادارې مفتشین په مرکز او ولایتونو کې د هر ډول فعالیتونو څخه
په دوامداره او جدي توګه نظارت کوي او څوک چې د چاپېریالي اصولو څخه سرغړونه کوي د
قانون منګولو ته سپارل کیږي.
چاپېریال ساتنه زموږ ټولو ایماني او
وجداني مسوولیت دی؛ راځئ چې خپل چاپېریال له هر ډول ککړتیا څخه پاک وساتو!