وروستی
پچیراګام ولسوالۍ کې د شوکاڼي د استخراج کانونو د چاپېریالي وضعیت ارزونه وشوه
۱۴۴۶کال د صفر ۱۴مه/ ننګرهار
د ننګرهار ولایت د چاپېریال ساتنې ریاست نظارتي ټیم د
کانونو د چاپېریالي وضعیت د اروزنې په موخه د پچیراګام ولسوالۍ اړوند د اګام په تنګي
کې د شوکاڼي د استخراج ټولو کانونو څخه څارنه وکړه.
د چاپېریالي چارو مفتشینو د شوکاڼي د استخراج کانونو ټاکل
شوي حدودو جي پي ایس نقاط واخیستل شول، د یادو معدنونو مالکانو ته سپارښتنې وشوې چې خپل فعالیتونه د
چاپیریالي اصولو مطابق عیار کړي او د ناقانونه کېندنو، د ځنګلونو د قطع او تخریب څخه
ډډه وکړي. د کانونو مسئولینو ژمنه وکړه چې چاپیریالي اصولو ته به جدي پاملرنه کوي
او خپل فعالیتونه به د هغو مطابق عیاروي.
د یادونې وړ ده چې د دې ادارې مفتشین په مرکز او ولایتونو کې
د هواککړوونکو سرچینو څخه په دوامداره توګه نظارت کوي، د چاپېریال قانون او
مقرراتو په هکله د فعالیتونو مسوولینو ته عامه پوهاوی ورکوي او هر هغه څوک چې د
چاپېریالي اصولو څخه سرغړونه کوي د قانون منګولو ته یې سپاري.