وروستی
میدان وردګو کې د طبي پاتې شونو د تنظیم ولایتي کمیټې نوبتی غونډه وکړه
۱۴۴۶کال د صفر ۲۴مه/ میدان وردګ
د میدان وردگو ولایت د چاپیریال ساتنې رئیس مولوي الله محمد
ذاکر په مشرۍ د طبي پاتې شونو د تنظیم کمیټې نوبتي غونډه ترسره شوه چې پکې د اړونده
ادارو باصلاحیته استازو گډون کړی وو.
غونډه د قرانکریم مبارکو ایتونو په تلاوت پیل او ورپسې د میدان
وردګو ولایت د چاپېریال ساتنې رئیس مولوي الله محمد ذاکر د طبي پاتې شونو د ناوړه
اغیزو په هکله خبرې وکړې، نوموړي یادونه وکړه چې طبي پاتې شونې باید په فني او
مسلکي ډول دفن او له منځه یووړل شي.
په یاده غونډه کې د ګډونوالو لخوا د طبي پاتې شونو د تنظیم،
گودال ایستلو، میدان ښار بازار اړوند په مشخص ځای کې د طبي پاتې شونو لپاره د
زباله دانیو ایښودلو او د طبي زبالو څخه را ولاړو شویو ستونزو باندې هر اړخیز بحث
تر سره شو او پریکړه وشوه چې د ټولو خصوصي او دولتي روغتیایي مراکزو طبي پاتې شونې
باید په معیاري توګه له منځه یوړل شي؛ ترڅو د چاپېریال له ککړتیا او د ساري ناروغیو
د خپریدو مخنیوي وشي.