وروستی
د پنبې د پروسس او رنګ جوړولو فابریکو له فعالیتونو څارنه وشوه
۱۴۴۶کال د ربیع الاول۱۵مه/ هلمند-ننګرهار
د هلمند او ننګرهار ولایتونو د چاپېریال ساتنې ریاستونو
نظارتي ټیمونو د چاپېریالي اصولو د تطبیق په موخه لښکرګاه کې د پنبې د پروسس دوو
فابریکو؛ همدا راز د جلال اباد ښار په نهمه ناحیه کې د حاجي مکرم خان په نوم د رنګ
جوړولو تولیدي فابريکې له فعالیتونو او چاپېریالي وضعیت څارنه او ارزونه ترسره شوه.
د یادو
فعالیتونو د کنټرول او تفتیش په ترڅ کې د فابريکو مالکینو ته د چاپيريالي اصولو او
مقرراتو په هکله اړین معلومات ورکړل شول او سپارښتنه ورته وشوه چې په خپلو
فعالتونو کې چاپېریالي شرايط او مقررات تطبيق او خپل فعاليتونه له ملي او نړيوالو
معيارونو سره برابر کړي.
د فابريکو مسئولينو د چاپېريالي اصولو او شرايطو د تطبيق
ژمنه وکړه او د چاپېريال ساتنې په برخه کي یې د همکارۍ ډاډ ورکړ.
د هوا ککړتيا راکمولو او مخنيوي مقررې ۱۴مادې د حکم پر بنسټ د صنعتي
او توليدي فابريکو مالکین مکلف دي چې د خپلو فعالیتونو لس سلنه ځمکه د شنې ساحې
لپاره ځانګړې کړي او ډول ډول زينتي او غير زينتي ونې او بوټي پکې وکري.