وروستی
خوست او پروان کې د کرومایټ ډبرو د استخراج کانونو له فعالیتونو نظارت ترسره شو
۱۴۴۶کال د ربیع الاول۲۷مه/ خوست-پروان
د خوست او پروان ولایتونو د چاپېریال ساتنې ریاستونو د مفتشینو
لخوا په کانونو کې د چاپېریالي اصولو د تطبیق په موخه د خوست په ګربز او پروان په
کوهصافي ولسوالیو کې د کرومایټ ډبرو د استخراج کانونو د چاپېریالي او ټولنیزو اغیزو
ارزونه ترسره شوه.
د چاپېریالي چارو مفتشینو لخوا د کرومایټ ډبرو د استخراج
کانونو مسولینو سره د کاري فعاليتونو په اړه
چاپیریالي موضوعات مطرح شول او
سپارښتنې ورته وشوې چې د کېندنې پر مهال شاوخوا سیمو کې د چینو اوبو د ککړتیا مخنیوی
وکړي؛ همدا راز چاپېریال ساتنې ته جدي پاملرنه وکړي، د اوبو، هوا او خاورې ککړتیا
د مخنیوي لپاره لازم تدابیر ونیسي او خپل فعالیتونه د چاپېریال قانون او مقرراتو
مطابق عیار او ترسره کړي چې د سرغړونې او بې پروايۍ په صورت کې به له قانوني چلند
سره مخ شي چې بیا د شکایت حق نه لري.
د چاپېریال قانون د احکامو مطابق، کان کېندونکي مکلف دي چې
کېندل شوې شوې بیا ورغوي، د ځنګلونو او شنو ساحو د ویجاړتیا مخنیوي وکړي او د
معدنونو په شاوخوا سیمو کې نیالګي کېنوي.