وروستی
د طبي پاتې شونو د تنظیم او خوندیتوب په موخه د ۳ خصوصي روغتونونو څخه نظارت ترسره شو
۱۴۴۶کال د جمادي الاول ۳نېټه/ ننګرهار
د ننګرهار ولايت د چاپېريال ساتنې ریاست نظارتي ټیمونو له
لوري د جلال اباد ښار لومړۍ ناحیې اړوند چشمه خانجي ساحه کې د خیرالناس معالجوي،
شفاء عصري روغتونونو او همدا راز خیوې ولسوالۍ کې د سکون معالجوي روغتون د فعالیتونو
د څرنګوالي او چاپېریالي وضعیت د ارزونې موخه نظارت ترسره شو .
د څارنې
پر مهال د یادو روغتونونو مسئولینو ته چاپېريالي نېمګړتیاوې په نښه شوې او د حل په
موخه ورته لازمې سپارښتنې وشوې. د هوا ککړتیا د راټیټولو او مخنیوي مقررې د ۱۴مې مادې د حکم له مخې باید د
روغتونونو مسوولین د خپل فعالیت ١٠ سلنه ساحه شنه کړي.
د یادو روغتونونو په فعالیتونو کې د بشپړو چاپېريالي اصولو
د پلي کولو په موخه یې له مسوولینو څخه د طرزالعمل مطابق لیکلي تعهدات واخيستل شول
چې تر دې وروسته به د سرغړونې په صورت کې د چاپېريال قانون په رڼا کې له جدي چلند
سره مخ شي.
د چاپېریال ساتنې ملي اداره هڅه کوي چې هېوادوالو ته خوندي
او سالم چاپېریال برابر کړي او د دې لوی مسؤلیت په ترسره کولو کې د ټولو
روغتونونو، کلینکونو او لابراتوارونو پر مالکانو غږ کوي چې خپل طبي پاتې شونې په
فني شکل انتقال او له منځه یوسي او هم دې خپل فعالیتونه معیاري کړي، د چاپیریال
ساتنې اصول او قانون مراعت کړي او د شفاخانو ١٠ فیصده ساحه زرغونه کړي او چاپیریالي
جوازونه تر لاسه کړي.
چاپېریال ساتنه زموږ ټولو مسوولیت دی؛ راځئ چې د سالم چاپېریال
رامنځته کولو لپاره هڅې وکړو!