وروستی
کندهار کې یو باز د قاچاقبرانو له منګولو خلاص او ازاد شو
۱۴۴۶کال د جمادي الاول ۱۰نېټه/ کندهار
د کندهار ولایت د چاپېريال ساتنې رياست لهخوا د سپين بولدک
ولسوالۍ د مجاهدينو او کميسارۍ د مسٶلينو په همکارۍ يو نايابه وحشي باز چې ګاونډي
هيواد پاکستان ته قاچاق کېده، ونیول شو.
نيول شوى باز د ولايت مقام، امنيه قومندانۍ، استخباراتو
رياست استازو او د سيمه یيزو رسنيو په حضور کې خوشې شو او قاچاق بران د نورو څېړنو په موخه کشفي او عدلي
ارګانونو ته وسپارل شول.
د رياست الوزرا عالي مقام د (١١٤) ګڼه حکم پر اساس په ټول
افغانستان کې د هر ډول وحشي حيواناتو او مرغانو ښکار او قاچاق په مطلق ډول منع دى،
هر څوک چې له دې امر څخه سرغړونه وکړي له قانوني
چلند سره به مخ شي.