وروستی
د کابل ښار د فاضلابو او کانالیزاسیون د وضعیت په تړاو مشورتي غونډه وشوه
۱۴۴۵کال د جمادي الاول ۱۴مه/کابل
د چاپېریال ساتنې ملي ادارې او اوبو او انرژۍ وزارت د تخنیکي
ټیمونو په ګډه همکارۍ د ۱۴۰۳کال
د لړم په ۲۴مه
نېټه د دې ادارې د بند امیر غونډو په تالار کې د کابل ښار د فاضلابو او کانالیزاسیون
د فعلي وضعیت په تړاو مشورتي غونډه وشوه چې پکې د دې ادارې د نظارت او تفتیش ریاست
مسوولینو ګډون کړی وو.
د غونډې په لړ کې د اوبو او انرژۍ وزارت متخصصینو لخوا د
کابل ښار د فاضلابو او کانالیزاسیون د اوسني وضعیت، حل لارو چارو او ښکېلو ادارو د
فعالیتونو په اړه هر اړخیز معلوماتي پرزنټېشنونه وړاندې شول او ټینګار وشو چې د
فاضلابو او کانالیزاسیون د مدیریت په برخه کې ښکېلې ادارې (اوبو او انرژۍ وزارت، د
اوبو رسونې او ښاري فاضلابو امارتي شرکت، د چاپېریال ساتنې ملي اداره او کابل ښاروالي)
باید په دې برخه کې خپلې تجربې شریکې او د فاضلابو د مدیریت په تړاو خپله همغږي او
همکاري لا پیاوړې کړي.
د یادونې وړ ده چې د چاپېریال ساتنې ملي ادراې نظارتي ټیمونه
په مرکز او ولایتونو کې د اوبو، هوا او خاورې ککړتیا د مخنیوي په موخه د هواککړوونکو
سرچینو څخه په دوامداره توګه نظارت کوي او سرغړوونکي د قانون منګولو ته سپاري.