وروستی
کندهار، غزني او پکتیا کې د ۴۰مختلفو فعالیتونو د چاپېریالي وضعیت څارنه وشوه
۱۴۴۶کال د جمادي الاول ۲۸نېټه/کندهار-غزني-پکتیا
د هواککړتیا راکمولو، مخنیوي او چاپېریالي اصولو د تطبیق په
موخه د کندهار، غزني او پکتیا ولایتونو د چاپېریال ساتنې ریاستونو نظارتي ټیمونو
لهخوا د کندهار ښار په مختلفو سیمو کې د ۳۲ مختلفو اصنافو؛ غزني کې د دوو روغتونونو او
همدا راز پکتیا کې د ۸مختلفو
فعالیتونو له چاپېریالي وضعیت څارنه وشوه.
د نظارت په ترڅ کې د چاپېریالي چارو مفتشینو لخوا د مختلفو
اصنافو مالکینو ته د چاپېریال قانون او مقرراتو په هکله معلومات ورکړل شول، د
هواککړتیا د راکمولو او مخنیوي په تړاو ورته د لازمو تدابیرو سپارښتنه وشوه او غوښتنه
ترې وشوه چې خپل فعالیتونه معیاري کړي.
د چاپېریال ساتنې ملي ادارې نظارتي ټیمونه په مرکز او ولایتونو
کې د هواککړوونکو سرچینو څخه په دوامداره توګه نظارت کوي او هر هغه څوک چې د اوبو،
هوا او خاورې ککړتیا لامل شي، قانوني چلند به ورسره وشي چې هیڅوک بیا د شکایت حق نه لري.