وروستی
د هوا ککړتیا راکمولو او مخنیوي په موخه د (۴۶) لوړپوړیزو ودانیو له مرکز ګرمیو څخه نظارت ترسره شو
۱۴۴۵کال د رجب ۲مه/ کابل
د هواککړتیا راکمولو او مخنیوي په موخه د چاپېریال ساتنې
ملي ادارې شپنیو نظارتي ټیمونو لهخوا د تېرې یوې اونۍ په ترڅ کې د کابل ښار په
مرکزي ناحیو کې د (۴۶) لوړپوړیزو
ودانیو د مرکز ګرمیو، سونسیسټمونو او د دود د تصفیې فلټرونو د فعالیتونو د څرنګوالي
څخه څارنه ترسره شوه.
د څارنې په ترڅ د (۱۸) لوړپوړیزو ودانیو د سونسیسټمونو او د دود د
تصفیې فلټرونو فعالیتونه ستونزمن و ارزول شول چې د هواککړتیا لامل و. له دې جملې څخه
د (۱۵) ودانیو
سونسیسټمونه او د ځینو هغو د دود د تصفیې فلټرونه ستونزمن او د هواککړتیا لامل ګرځیدلي
وو چې د چاپېریالي چارو مفتشینو له لوري یې له مالکینو څخه لیکلې ژمنې واخیستل شوې
او درې ورځې مهلت ورکړل شو چې موجوده ستونزې به حل کوي چې مالکینو یې هم د حل ژمنه
وکړه.
همدا راز د نظارت شوو ودانیو له ډلې څخه د ۳ لوړ پوړیزو ودانیو د سونسیسټمونه
چې د دود د تصفیې فلټرونه یې ویجاړ او د چاپېریالي چارو مفتشینو د سپارښتنو سره
سره یې بیا هم نه و ترمیم کړي، مُهرولاک شول.
د چاپېریال ساتنې ملي اداره د هواککړتیا راکمولو او مخنیوي
په موخه د هواککړوونکو سرچینو هر ډول فعالیتونو مسوولینو ته سپارښته کوي چې خپل
فعالیتونه د چاپېریالي اصولو مطابق عیار او ترسره کړي.
هغه لوړ پوړیزې ودانۍ، فابریکې او تولیدي شرکتونه چې د دود
د تصفیې فلټرونه یې غیر فعال، ویجاړ او یا هم د اوبو، هوا او خاورې د ککړتیا لامل
وګرځي، له قانوني چلند سره به مخ شي.
د یادونې وړ ده چې د چاپېریال ساتنې ملي ادارې نظارتي ټیمونه
شپه او ورځ په مرکز او ولایتونو کې د هواککړوونکو سرچینو څخه په دوامداره توګه څارنه
کوي او هغه څوک چې له چاپېریالي اصولو څخه سرغړونه کوي د قانون منګولو ته یې سپاري.