وروستی
لغمان کې د یو شمېر چاپېریالي پروژو څارنه او ارزونه ترسره شوه
۱۴۴۶کال د رجب ۲۹مه/ لغمان
د
لغمان ولایت د چاپېریال ساتنې ریاست مسوولینو لهخوا د ځمکې تخریب سره د مبارزې او
ژوند بڼو د ساتنې اړوند یو شمېر پروژو ارزونه او څارنه ترسره شوه.
په
دغو پروژو کې د ۲۰۰متره مکعب په ظرفیت د
ځمکې د خړوبولو چک ډیم؛ په ٣٠زره جریبه شاړه ځمکه (دښته) کې د مختلف النوع مثمرو
او زینتي نیالګیو (مالټې،بادام او غوړاسکو) کینول؛ د ګیاوو د احیاء په موخه د ۱۰۰کیلوګرامه وحشي رشقې
کرل؛ د ٢٠٠٠-٥٠٠٠ متر مکعب په ظرفیت د سیلابونو او طبعي اوبو ذخیرې جوړول؛ د ٥میوه
لرونکو باغونو؛ ٤ قوریو؛ ٥ګلخانو او د شیدو د پروسس١٠ پایې ماشینونو توزیع شامل دي.
دغه
پروژې د اقلیمي بدلون د ناوړه اغېزو، د خاورې د تخریب، سېلابونو، او اوبو ضایعاتو
دمخنیوي؛ هواککړتیا او وچکالۍ اغېزو راکمولو؛ د کډوالو مارغانو لپاره د پټنځایونو
او استوګنې برابرولو په موخه د نړیوالو چاپېریالي اسانتیاوو (GEF-7) په مالي لګښت د اړوندو
ادارو لخوا د FAO موسسې په همکارۍ په لغمان ولایت کې پلي کیږي.
همدا
راز د لغمان مرکز مهترلام ښار په سلطان بابا ښارګوټي کې د فاضلابو د تصفیه خانې د
جوړولو لپاره ٣٠ جریبه ځمکې ابتدایي سروې ترسره شوه چې د جوړولو چارې به یې له
اداري مراحلو وروسته پیل شي.