وروستی
د چاپېریال ساتنې ملي ادارې عمومي رئیس هرات کې د ښاري زبالو د تفکیک او راټولولو له ځای څخه لیدنه وکړه
۱۴۴۶کال د شعبان ١٩مه هرات
د چاپېریال ساتنې ملي ادارې عمومي رئیس مولوي مطیع الحق خالص
او ورسره پلاوي هرات ولایت ته د سفر په ترڅ کې د ښاري زبالو د تفکیک او راټولولو
له ځای څخه لیدنه وکړه.
په دې لیدنه کې نوموړي د زبالو د مدیریت پر اهمیت ټینګار وکړ
او زیاته یې کړه چې د چاپېریال ساتنې ملي اداره هڅه کوي، د زبالو د تفکیک، بیاکارونې
او منظم مدیریت له لارې، د ښار پاکوالي او د خلکو روغتیا ته پاملرنه وکړي.
د ښاري زبالو قراردادي شرکت مسوولینو د زبالو د ترتیب، تفکیک،
او بیاکارونې په اړه معلومات وړاندې کړل او ویې ویل چې د دې بهیر د لا پرمختګ
لپاره، د عامه پوهاوي او د ښاریانو همکارۍ ته اړتیا ده.
د سفر په جریان کې، د چاپېریال ساتنې ملي ادارې عمومي رئیس
له اړوند شرکت څخه وغوښتل چې د زبالو د مدیریت په برخه کې ټاکل شوي اصول په درست ډول
پلي کړي.
د شرکت مسول ژمنه وکړه چې د اصولو تطبیق ته ژمن دي او د چاپېریال
ساتنې ملي ادارې له لار ښوونې سره سم به فعالیت ته دوام ورکړي.