وروستی
میدان وردګو ولایت کې ٢تنه ښکاريان د ښکار له وسایلو سره ونيول شول
۱۴۴۶کال د شوال ١٧مه/ میدان وردګ
د وحشي ژوو او مارغانو د ښکار د مخنیوي په موخه د دمیدان
وردګو ولایت د چاپېريالي چارو مفتشينو له لوري د ۱۴۰۴ کال د وري په ٢٧مه نېټه دمیدان
وردګو ولایت په جلریز ولسوالۍ کې ٢تنه ښکاريان چې وحشي ژوي يې ښکار کول، د ښکار
پرمهال ونیول.
له نيول شوو ښکاريانو سره د ښکار وسايلو سربېره دوه زرکان
هم ونیول شول.
د نيول شوو ښکاريانو څخه د ښکار وسايل ضبط شول او له هغوی څخه
ليکلي ژمنې واخیستل شوې چې بيا به له ښکار کولو څخه ډډه کوي او که بياځلي ونيول
شول عدلي او قضایي ارګانونو ته به وسپارل شي.
همدارنګه د چاپیریالي چار مفتشينو له لوري ښکاريانو ته د ښکار
د مخنیوي او اضرارو په اړه عامه پوهاوی او لازمې سپارښتنې وشوې.
د افغانستان اسلامي امارت د رياست الوزرا عالي مقام د حکم
په اساس په ټول هېواد کې د وحشي ژوو، مارغانو او کبانو ښکار بند دی او که هر څوک
ونيول شول له قانوني چلند سره به مخ شي.