وروستی
د چاپېریال ساتنې ملي ادارې عمومي رئيس ننګرهار ته د سفر پرمهال تورخم ښارګوټي کې د مهاجرینو کمپ څخه د نژدې لیدنه وکړه
١٤٤٦کال د شوال ٢٠مه/ ننګرهار
د چاپېریال ساتنې ملي ادارې عمومي رئیس مولوي مطیع الحق
خالص ننګرهار ولایت ته د خپل سفر پر مهال نن د تورخم ښارګوټي له هغه کمپ څخه لیدنه
وکړه چې تازه هېواد ته راستانه شویو مهاجرینو لپاره جوړ شوی.
"عمري
کمپ" د سلګونو کورنیو لنډمهاله استوګن ځای دی.
نوموړي د یاد کمپ لپاره د جوړي شوي کمېټې له مسول مولوي
محمد هاشم میوندوال سره د نویو راستانه شویو کډوالو لپاره پر خدماتو، اساسي اړتیاوو
او ستونزو بحث او خبري وکړې.
عمومي رئیس د ټاکل شوي کمېټې او ټولو مسؤلینو د هڅو او
زحمتونو څخه ستاینه وکړه او هغوی ته یې د پروردګار جل جلاله له ستر درباره د لازیاتو
خدمتونو د ترسره کېدو هیله وکړه.
ده ټاکل شوي کمېټې ته ډاډ ورکړ چې د چاپېریال ساتنې ولایتي
ریاست او له مرکز څخه به استازي تاسو ته در معرفي کړل شي څو په ګډه سره د راستانه
شویو کډوالو لپاره اړین خدمتونه وړاندي شي.
د ناستي په پای کې د چاپېریال ساتنې ملي ادارې عمومي رئیس د
کمپ له بیلابیلو خدماتي برخو څخه د نژدې لیدنه وکړه او ټینګار یې وکړ چې د مهاجرینو
د ستونزو حل د حکومت یو ملي مسؤلیت دی او په دې برخه کې ټول ارګانونه خپلو مشترکو
هڅو او فعاليتونو ته دوام ورکوي، ترڅو راستانه شوي کډوال په خپل هېواد کې ارام او
اسوده ژوند وکړي.
