وروستی
د خوست چاپېریال ساتنې ریاست د اداري کمپلیکس چاپېریالي وضعیت وڅېړه
١٤٤٦کال د شوال ٢٥مه/ خوست
د
خوست ولایت د چاپېریال ساتنې قاري شریف الله مهاجر په مشرۍ، د یاد ریاست کارکوونکو
له لوري د خوست ولایت د اداري کمپلیکس دننه د بېلابېلو امارتي ادارو چاپېریالي وضعیت
تر نظارت لاندې ونیول شو.
یاد نظارت چې د نظامي محکمې، صنعت او تجارت، حج او اوقاف،
پوهنې، معدن، اقتصاد، برېښنا، مهاجرینو، اوبو رسونې، نفت او ګاز، اوبو او انرژۍ،
او کار او ټولنیزو چارو ریاستونه یې تر پوښښ لاندې نیولي وو، د چاپېریالي ستونزو د
اصلاح او د معیارونو د پلي کېدو په موخه ترسره شو.
د نظارت موخه د شنو ساحو د ایجاد، د محیطي حفظالصحې د
اصولو رعایت، او د چاپېریالي معیارونو تطبیق و، څو د ادارو ترمنځ د پاک، منظم او
سالم چاپېریال د رامنځته کولو فرهنګ ته وده ورکړل شي.
د چاپېریال ساتنې ریاست مسؤلینو وویل چې دا ډول نظارتي بهیرونه
به دوام ولري، څو د خوست ولایت ټولې ادارې د چاپېریالي اصولو پر بنسټ خپل فعالیتونه
تنظیم کړي او د خلکو لپاره یو خوندي او پاک چاپېریال رامنځته شي.